KALIBO, Aklan — Nagpatabang kay Department of Environment and Natural Resources (DENR) Sec. Roy Cimatu ro LGU-Kalibo ag barangay council it Bakhaw Norte agud abangan ro uman nga pagbuhi sa dredging project sa Aklan River it provincial government.
Suno kay punong barangay Maribeth Cual, ginpromisa sigon it sekretaryo nga magabisita raya sa andang lugar sa Nobyembre 30 agud chekyaron ro andang kahimtangan.
Nagpanindugan ro konseho nga proteksyon anay bago ro proyekto.
Madumduman nga ku Enero it makaron nga dag-un, gin pauntat eon ni dating DENR Sec. Gina Lopez ro dredging operations it Santarli (STL) Panay Resources Company Limited kasunod it protesta it mga residente sa nasambitang barangay bangud sa pagkarumpag it eugta sa kilid it suba.
Gin pangunahan it National Environment Crime Task Force ro pag-inspection sa sueod it dredging vessel nga kinomisyon it STL para sa proyekto.
Gin kwestiyon man it task force ro kawad-an it working permit it 18 Chinese nationals nga sakay it nasambitang barko nga gina alegar nga nagapatigayun it black sand mining.
