POLICE Report — Kulong ro sangka driver it pampasaherong jeep matapos arestuhon it mga awtoridad sa reklamong pagpanghimueos sa banwa it Liloan.
Nakakulong makaron sa lock-up cell it Liloan Municipal Police Station ro suspek nga gintago sa pangaean nga Tagoy, 37-anyos, may-asawa ag residente it Barangay Jubay, Liloan.
Suno sa report, nag-agto sa estasyon it pulisya ro biktima nga gintago sa pangaean nga Alvina, 33, para pormal nga pagpasaka it kaso kontra sa suspek.
Ginsaysay ni Alvina nga natabu ro insidente bandang 12:20 it aga-aga sa Sitio Tabay Barangay Tayud it nasambit nga banwa.
Suno kana nga nagsakay imaw sa prente it pampasadang jeep it suspek paagto sa Liloan apang pag-abot sa kanto it nasambit nga lugar hay gulpi eon lang raya nga nagpundo.
Dugang pa nana nga gintutukan imaw it kursilyo it suspek ag pagkatapos hay gin-ubahan ag gintaw-an it katumanan ro anang maitom nga plano.
Owa pa nakuntento ro suspek ag ginbukad ro anang daea nga mga gamit ag dayun imaw nga ginpapanaog sa jeep.
Sa ginpatigayon nga follow-up operation it kapulisan hay nadakpan ro suspek sa andang baeay ag nakataeanang pasakaan it nagakaigo nga kaso.
