-- ADVERTISEMENT --
KALIBO, Aklan—Ninahan nga gindaea sa Aklan provincial hospital ro sangka dump truck driver matapos nga sumunggab sa kasunod man kara nga truck sa national highway nga sakop it Brgy. Lalab, Batan.
Ginkilaea ro driver nga si Robito delos Santos ag residente it Brgy. Lupit sa nasambit nga banwa.
Base sa imbestigasyon it pulisya, pabalik eon kunta sa banwa it batan ro truck kat nakaangkon it problema ro preno rason nga nadueaan it kontrol ro driver nga gintuaan it anang pagkasunggab sa ginasundan nga saeakyan nga nagahakot it eapok ag ginapanag-iyahan it sangka construction company nga nagresulta man sa pag-angkon it lastro ni Delos Santos.
Samtang, uwa eon it plano ro tag-iya nga magpasaka it kaso kontra sa nasambit nga driver.
