KALIBO, Aklan—Padayun nga naga-antus ro mga drivers it pampublikong saeakyan sa sunud-sunod nga pagtaas sa presyo it produktong petrolyo.
Suno kay Teddy Vega, dispatcher it NP transport service corporation nga bukon eamang it serye it oil price hike ro andang ginaproblema kundi ro kawad-an it pasahero.
Bag-ong tukod eamang sigon ro andang terminal nga may biyaheng Caticlan-Buruanga-Antique rason nga owa pa it masyadong pasahero.
Bukon eamang sigon ro mga drivers ro nagakalisod kundi pati ro andang natungdan nga pamilya matapos nga owa eon it masyadong gina-uli nga kita ag naagto eon lang sa pagpatayon it gasolina.
Matapos sigon nga tumama ro pandemya tuga it covid 19 hay owa eon it katapusan ro problema nga andang ginapangatubang.
Sa atubang sigon it raya nga sitwasyon, ginpahayag ni Vega nga nagakinahangean eon raya it intervention it gobyerno agud nga mapahagan-hagan ro kalisod it sektor it transportasyon.
