KALIBO, Aklan—Arestado sangka drug surenderree matapos nga maaresto sa ginpatigayon nga drug buy-bust operation sa mismo kara nga panimaeay sa Brgy. Albasan, Numancia bandang alas-7:30 kabie.
Ginkilaea ro suspek nga si Junie Raz, 51-anyos ag residente it nasambit nga lugar.
Narekober sa anang posisyon ag kontrol ro daywang ka sachet it suspected shabu kabaylo it P2,000 pesos nga buy-bust money.
Ginasugid nga matapos nga mabaton it suspek ro kwarta halin sa poseur buyer hay insigida nana raya nga ginpilak ag nagpanarangka it andang baeay.
Apang, ko ulihi hay uwa eon raya nagpalag pa.
Ro operasyon hay ginpanguhan it Numancia PNP kon sa siin presente imaw nga nakahunong sa locked up cell it Numancia Police Station ag posibleng magapangatubang sa kasong pag-eabag sa Republic Act 9165 ukon Comprehensive Dangerous Drugs Act of 2002.
