KALIBO, Aklan — Arestado sa buy-bust operation ro sangka eaeaki nga dati eon nga nagsurender matapos nga nag-aku nga nagagamit ag nagabaligya it illegal nga droga.
Nadakpan sa Barangay Mambog, Banga, Aklan ro suspek nga si Rey Bigasa Gonzales, 50, sangka laborer ag residente it nasambit nga lugar.
Mag-eowas sa sangka mabahoe nga sachet it ginadudahan nga shabu nga nagabalor it P6,000, nabo-oe man sa suspek ro cellphone, iba pang kwarta sa anang boesa ag sangka motorsiklo.
Naghana pa sigon nga magpaeagiw si Gonzales kat maispatan ro mga pulis .
Samtang, ginpahayag ni P/Lt. David Rentillo it Banga Police Station nga ginpatigayon nanda ro operasyon matapos ro haeos sang buean nga surveillance sa suspek.
Nasayuran nga kaibahan raya sa mga boluntaryong nagsurender sa ginkasa nga Oplan Tokhang.
Ginatumod pa it pulisya kun sin-o ag taga-siin ro supplier it shabu ni Gonzales.
Magapangatubang imaw sa kasong pageabag sa RA 9165 ukon Comprehensive Dangerous Drugs Act of 2002.
