-- ADVERTISEMENT --
KALIBO, AKLAN — Naaresto it mga operatiba it Banga Police Station ro sangka drug surrenderee nga nagbalik sa pagduso it ilegal nga droga sa Brgy. Mambog, Banga, Aklan.
Nadakpan it mga pulis sa pakipagbuligan it Philippine Drug Enforcement Agency (PDEA-6) ro suspek nga si Babylon Meneses, 39, residente it Brgy. Jumarap it nasambitang banwa.
Narekober sa suspek ro daywang plastic sachet it shabu ag P1,000 nga marked money.
Nakakulong eon sa makaron ro suspek ag nagapangatubang sa kasong pag-eabag sa RA 9165 ukon Comprehensive Dangerous Drugs Act of 2002.
