-- ADVERTISEMENT --
KALIBO, Aklan—Nagabalor it masobra P30.5 million ro ginpanupod nga family food packs it Department of Social Welfare and Development ukon DSWD-6 sa mga biktima it bagyong Odette sa Western Visayas.
Base sa datus it taeatapan, kabilugan nga 59, 267 food packs ro andang naipanupod sa mga apektadong residente.
Samtang, naga-abot sa P420,000 ro kabilugan nga Aid for Individual in Crisis Situation (AICS) ro naipanupod it DSWD.
Nasayuran nga sambilog ro rehiyon sa grabeng naapektuhan it pagpanaeasa it bagyong Odette sa ulihing buean it 2021 kamana man nga kaibahan raya sa ginpaidaeom sa state of calamity ni Pangueong Rodrigo Duterte.
