KALIBO, Aklan – – – Target it Department of Social Welfare and Development Office ukon DSWD-6 nga maitao ro benepisyo it tanan nga mga recipients it andang programa sa isla it Boracay antes ro gina eauman nga pagbukas kara sa Oktubre 26, 2018.
Suno kay Liza Comacho, makaron nga adlaw hay may nakataeana eonman nga magabaton it andang financial assistance partikular eon ro mga displaced workers.
Naga abot sigon sa 17, 149 ro nagpaeapit sa andang taeatapan maghalin ku buean it Abril ag natigayun nga mataw-an it magkaeain-eain nga financial assistance sa idaeum it magkasari-sari nga programa nga gina tanyag it DSWD.
Gin kumpirma man ni Comacho nga may mga nakataeanang recipients nga second batch sa magabaton it assistance.
Samtang, gin klaro man kara sa mga naga reklamo nga owa pa it may nabaton nga indi makadali-dali it release it assistance para sa livelihood ro DSWD bangud sa maidid raya nga gina paidaeum sa profiling ag assessment.
Nasayuran nga mag eowas sa mga displaced workers, gin meeting man sigon it mismong Regional Director it DSWD-6 ro Ati Village sa Boracay para sa magkaeain-eain nga livelihood program nga pwedeng i-tanyag sa mga raya.
