KALIBO, Aklan – – – Gin pasiguro ni May Rago-Castillio, Department of Social and Welfare Development (DSWD) 6 Regional Information Officer nga may bastanteng pondo ro andang taeatapan agud mabuligan ro mga apektadong pumueoyo sa isla it Boracay kasunod it an-um nga buean nga closure kara.
Suno kay Castillio, owa it kamatuoran ro napabalitang nag untat ro DSWD sa pagtao it bulig bangud sa naubosan sanda it pondo.
Pamatuod sigon nga naga abot sa 524 million pesos ro naisumite nandang budget sa central office agud mapondohan ro programa it ahensiya kapareho eon lang it cash-for-work, sustainable livelihood ag iba pang projects ag services nga kinahangean it mga residente sa isla.
Gin pahayag dugang pa kara nga naga abot eon sa 9.7 million pesos ro gin release nga transportation assistance nga nabaton it 4,129 nga mga recipients kara.
Suno pa kana nga sa makaron hay owa haeos it reklamo nga nababaton ro andang taeatapan bangud gin taw-an eon it kaklaruhan ro andang mga gina reklamo.
