KALIBO, Aklan—Haom nga umayuda ro Department of Social Welfare and Development ukon DSWD engkasong tumama sa kaeogtanan ro Bagyong Chedeng nga nakasueod sa Philippine Area of Responsibility.
Suno kay Therese Fely Legaste, information officer II it disaster response management division it DSWD region VI nga kapin sa 65,329 family food packs nga may kabilugang haega nga P41.6 milyon pesos ro nakapreposition makaron sa mga strategic sites.
Mag-eowas kara, may standby fund sanda nga P5 milyon pesos in cash rason nga nagaabot sa kabilugan nga P88.5 milyon pesos ro haega it mga nakapreposition nga food ag non food assistance nga igaayuda sa mga maapektuhang pumueoyo engkasong tumama ro maeain nga panyempo.
Ginpahayag dugang nga ro kada LGU hay may standby relief assistance ag kon maubos ro mga raya hasta ana it provincial government hay gilayon sanda nga nagahueag.
Ginpasiguro man nana nga may bastanteng relief assistance ro DSWD para mga pumueoyong magakinahang-ean it ayuda.
