Una sa kabilugan nga P2.67 billion nga pondo it Department of Social Welfare and Development para sa relief resources partikular sa tyempo it kalamidad.
Raya hay sa tunga it pagpanaeasa it Bagyong Enteng ag Southwest Monsoon o Habagat.
Suno sa Presidential Communications Office, may habilin pa nga P65.56 million nga standby funds ro DSWD ag P2.6 billion man para sa food ag non-food items.
Mag-euwas pa raya sa magsobra P16 million nga inisyal nga bulig nga naipaabot sa mga apektadong lugar.
Una sa kabilugan nga 767 nga barangays ro apektado it Bagyong Enteng ag Habagat sa regions II, III, V, VI, VIII, VIII, CALABARZON ag NCR.
Base sa datos it DSWD una sa 80,078 pamilya o una sa 303,938 indibidwal ro apektado it sakuna.
Nagaabot man sa 60,202 individuals o una sa 14,607 pamilya ro presenteng nagadayon sa 441 evacuation centers.
