Nag-abiso ro Department of Social Welfare and Development ukon DSWD sa publiko nga magdahan ag indi pagtaw-an it igtueupangod ro nababaton nga text messages angot sa owa pa nababaton nga relief allowance.
Gin-isyu it DSWD ro nasambit nga pahayag kasunod it report maghalin sa sangka concerned citizen nga may nagakinalhit nga text messages angot sigon sa unclaimed relief allowance para sa mga senior citizen nga owa sanda nag-isyu it anumang mensahe angot sa unclaimed allowance ag owa it anumang relief allowance nga ginatao ro taetaapan.
Dugang pa it DSWD nga ro andang financial assistance for individuals in crisis kaibahan ro aid para sa mga senior citizens hay ginatao sa pamaagi it andang Crisis Intervention Unit ukon CIU sa central office ag tanan nga field offices sa bilog nga nasyon.
Naga-agi pa sigon ro tanan nga benepisyaryo it andang programa sa assessment para maging kwalipikado sa assistance.
Rason nga uman nga nagapaandam ro ahensiya sa publiko nga likawang tawagan ro mga hi bukon it kilaeang indibidwal kamanaman ro indi pagtao it personal information sa pamaagi it text message, email ag phone call.
