Nagpaguwa eon ro Department of Social Welfare and Development (DSWD) it bag-ong listhaan it mga kubos nga pamilya sa nasyon kung siin magmahalin ro potensyal nga benepisyaryo it Pantawid Pamilyang Pilipino Program ukon 4Ps.
Apang pagklaro ni DSWD Secretary Erwin Tulfo, bukon it tanan nga pamilya nga kaeakip sa “Listahanan 3” ukon ro National Household Targeting System for Poverty Reduction list hay kaeakip sa 4Ps program bangud sa limitadong pondo.
Suno pa sa sekretaryo nga magapili sanda uman it sa nasambit nga listahan nga igabaylo sa mga pagabue-on nga 1.3 million nga naboue maghalin sa 4Ps program.
Sa makaron. May kapin sa 600,000 pa ro ginapaidaeom it taeatapan sa assessment.
Samtang, suno man kay National Household Targeting Office (NHTO) Director Andrew Ambubuyog, gin-umpisahan eon nanda ro pagbisita sa mga posibleng benepisyaryo nga maeakip sa Listahan 3 ko nagtaliwan nga ulihing quarter it 2019 ag naging pinal eon ro listahan ko nagtaliwan nga December 2021.
Samtang, sa pinal nga resulta it andang ginpatigayon nga survey, nagaguwa nga kapin sa 5,599,091 poor families ro nakalista sa database it DSWD maghalin sa Bicol region, Western Visayas ag Bansamoro.
