Nagpaguwa it updated nga sueundanan ro Department of Social Welfare and Development (DSWD) sa pagpatuman it Assistance to Individuals in Crisis Situations (AICS) nga magapadasig sa pagpaguwa it bulig sa mga pamilya ag indibidwal nga sa malisod nga sitwasyon nga nagakinahangean it insigidas nga suporta.
Raya hay matapos idirekta ni DSWD Secretary Erwin T. Tulfo ro pagpasimple it sueundanan it mga frontline program it ahensya, kapareho it Assistance to Individuals in Crisis Situations (AICS).
Sa idaeom it Memorandum Circular (MC) No. 15, ginpasimple it DSWD ro implementing procedure, simple nga intake ag eligibility forms ag documentary requirements ag pinahaba ro bisa kara, ag gin-ayos ro mga rate it bulig ag ro natungdan nga mga awtoridad sa pag-apruba sa Central Office ag Field and Satellite Offices.
Sandig sa binag-ong guidelines, ginpahayag it DSWD nga tatlong tikang eon lang ro kinahangean it kliyente para maka-angkon it ano man nga serbisyo ag interbensyon sa idaeom it AICS program.
Ro mga tikang ngara hay ginakaeakipan it screening process; interview; ag release of assistance.
Suno pa sa DSWD nga ro pagpaguwa it bulig pinansyal nga manaba sa kapin P10,000 hay posibleng igatao sa sueod it sand adlaw, samtang eabaw sa tanan nga nasambit nga haega hay posibleng igapaguwa sa sueod it tatlo hasta limang adlaw, depende sa dugang nga pag-apruba it masmataas nga natungdan.
