KALIBO, Aklan—Nagapadayon ro monitoring it Department of Social Welfare and Development ukon DSWD sa mga bepenpisyaryo sa idaeom it Pantawid Pamilyang Pilipino Program ukon 4P’s.
Suno kay Stephen Miroy Suajico, 4ps Aklan provincial link nga pila sa andang nagapadayon nga aktibidad hay ro pag house to house sa mga benepisyaryo agud nga maassess ro andang presenteng pagpangabuhi samtang una sanda sa idaeom it programa.
Handom nanda nga mag-umwad ro pagpangabuhi it kada pamilya rason nga ginatinguhaan nanda nga maipaathag sa tanan ro mapinuslanon nga programa bangud nga ginasigurado kara ro pagiging supisyente it andang pangabuhian antes sanda mag graduate sa programa.
Inde sigon sanda pwede magpabilin sa programa kon nag-umwad eon ro andang pagpangabuhi bangud nga pitong dag-on eamang ro gintaeana kanda.
Angot kara, maabo eon ro nagtapos sa programa partikular sa banwa it Altavas, Libacao, Kalibo ag New Washington.
Nasayuran nga nagtaeana ro gobyerno it masobra sa ₱106 billion pesos nga pondo para sa 4Ps sa idaeom it Fiscal Year 2024 General Appropriations Act (GAA).
Suno sa Department of Budget and Management (DBM), ro ₱106.335 billion pesos nga pondo it 4Ps hay mas mabahoe kumpara sa gintaeanang budget ko 2023 nga ₱102.610 billion pesos.
