KALIBO, Aklan — Hugot nga pagabantayan it Department of Social Welfare and Development (DSWD) ro implementasyon it Sustainable Livelihood Program (SLP) para sa mga apektado it temporary closure sa Boracay.
Suno kay DSWD Undersecretary for Promotive Operations and Programs Group Ma. Lourdes Turalde-Jarabe nga magalibot ro andang mga Project Development Officers (PDOs) sa madason nga daywang dominggo sa unang batch nga 1,323 recipients nga gintaw-an it tig-P15,000 nga paunang kapital para sa andang ginsumiteng livelihood proposals.
Nag-abot eon sigon sa P19.8-million ro nai-release nga livelihood assistance sa masobra sa 1,300 nga benepisyaryo nga apektado it pagsarado it isla.
Paga-usisaon sigon it PDOs kon paano gingastos ro bulig pinansiyal nga ginta-o kanda it gobyerno.
Pila sa mga ginsumiteng proposals it mga residente ag katutubong Ita hay ro accessories, souvenirs, balut, soap making, ag iba pa.
