KALIBO, Aklan—Ginpasiguro it Department of Social Welfare and Development ukon DSWD Region 6 nga makaron nga buean it Mayo hay matapos eon tanan ro proseso it pay-out sa social pension it mga lolo ag lola para sa unang semester it 2024.
Suno kay May Rago-Castillo, tagapaghambae it DSWD Region 6 nga may pilang banwa eon sa aklan ro nataw-an it pondo para sa nasambit nga social pension it mga senior citizens .
Sa bilog nga Western Visayas, haeos 47.18 percent it kabilugan nga target beneficiaries ro nakabaton it andang social pension nga P1,000 kada buean ukon P6,000 para sa semester nga nagasakop sa buean it Enero hasta Hunyo.
Nagaeaum si Atty. Castillo nga maka usoy it pamaagi ro mga LGUs ag venue agud nga indi masyadong maapektuhan ro mga lolo ag lola nga magabo-oe it andang pension.
Tuyo it Social Pension for Indigent Senior Citizens program, sa idaeaum it Republic Act 994 ukon Expanded Senior Citizen Act of 2010, ag Republic Act No. 1191, nga makatau it dugang nga bulig ro gobyerno nga P1,000 agud nga makadugang sa andang adlaw adlaw nga gastos ag pangbakae it bueong sa mga indigent nga senior citizens nga may sakit, disabled, owa it regular income ukon suporta halin sa pamilya ag igbata ag owa it ginabaton nga anuman nga pension halin sa private ukon government institutions.
