-- ADVERTISEMENT --
KALIBO, Aklan—Ginklaro it Department of Trade and Industry (DTI)-Aklan nga owa pa it ginpatuman nga adjustment sa Suggested Retail Price (SRP) sa mga nagapangunang baeak-eon.
Raya hay sa pihak it ginpatuman nga bigtime oil price increase it haeos tanan nga gasolinahan sa bilog nga nasyon ko adlaw it Martes.
Suno kay Ma. Carmen Iturralde, Provincial Director it DTI-Aklan nga nagapabilin nga ro dating presyo it prime commodities ro ginasunod it kada establisyemento.
-- ADVERTISEMENT --
Raya hay bangud nga owa pa nakaangkon it paghueag sa presyo it mga produkto.
Suno kana, may proseso nga ginasunod ro taeatapan kamana man nga kinahang-ean anay estudyuhan it mayad antes magpatuman it pagpataas sa mga Suggested Retail Price.
