Nagapadayon ro monitoring it Department of Trade and Industry (DTI) sa mga nagapangunang baeak.eon nga una sa idaeom ko hurisdiksyon it ahensya.
Suno kay Provincial Director Ma. Carmen Ituralde it DTI Aklan, maid-id ro andang pagpangusisa sa mga nagapangunang grocery stores ag supermarkets sa bilog nga probinsya it Aklan agud siguruhon nga uwa it nagapamentahang mga negosyante samtang nagahilapit ro tyempo it Paskwa.
Sa makaron suno kana hay uwa pa it ginpapanaog nga suggested retail price ukon SRP para sa mga noche buena products apang ginaeauman eon raya nga may pagtaas it sangkiri kaparehas sa mga nagakatabo kada dag-on.
Ko nagtaliwan nga dag-on sigon hay nabatyagan ro pagtaas it produktong ham bangud sa nagkalhit nga african swine fever ukon ASF kon sa siin nakaangkon it kakueangan sa supply it baboy.
Samtang, nagapabilin mat-a sa dating presyuhanay ro mga produktong de-lata, noodles, kape, gatas, creamer ag asukar.
