KALIBO, Aklan—Sigidas makarun ro ginapatigayun nga monitoring it Department of Trade and Industry ukon DTI-Aklan sa mga establisyemento nga nagabaligya it in-demand makarun nga face shield.
Suno kay DTI-Aklan Provincial Director Ma. Carmen Ituralde, nag-umpisa ro andang monitoring ko Agosto 6 sa 32 ka mga establisyemento kaibahan ro pharmacy ag drugstore kon sa siin waeo eamang sigon sa mga raya ro nagabaligya ag halin sa rayang numero lima kara ro owa pa it stock sa tyempo it andang pagmonitor samtang tatlo mat-a ro may una nga stock.
Base sa andang monitoring nagahampang ro presyo it face shield sa 35 pesos hasta it 80 pesos apang may una man sigon nga naga-abot it 400-500 pesos depende sa brand ag quality it produkto.
Kaangot kara, indi pa sigon mahambae nga overpricing ro pagbaligya kara sa merkado bangud owa pa it gintaeana nga Suggested Retail Price (SRP) kamana man nga owa pa it guidelines kung ano nga ahensya it gobyerno ro may hurisdiksyon nga magbuyot kara.
