Uwa it ginaeauman nga pagtaas it presyo sa mga basic necessities ag prime commodities sa mga masunod nga inadlaw suno sa Department of Trade and Industry (DTI).
Nakadepende man sa magiging sitwasyon kon maga-isyu it bag-ong suggested retail price (SRP) bulletin ro ahensiya bago ro buean it Agosto.
Paathag ni DTI Consumer Protection Group Undersecretary Ruth Castelo, amat-amat nga ginataasan ro mga presyo bangud sa nagakatabo sa nasyon ag kinahang-ean nga mabuhinan ro paeas-anon it mga consumers agud sanda hay makaginhawa halin sa mga gaeastuson.
Maskin nga uwa it ginaeaumang pagtaas sa presyo it basic necessities ag prime commdities, ginkumpirma man it DTI official nga may unang mga nakabinbing request halin sa manufacturers para sa price increase partikular eon sa mga produkto kaparehas it de latang sardinas, gatas ag asin.
Kaeakip sa mga nakabinbing request ro kapin sa 20 stock keeping units (SKUs) halin sa listahan it SRP it ahensiya.
Pila sa mga rason it hirit nga umento sa presyo it mga manufacturer hay bangud sa mataas nga packaging costs, foreign exchange rates ag logistic costs.
Ro epektibong SRP bulletin it DTI para sa Basci necessities ag prime commodities hay ginpaguwa ko Pebrero it presenteng dag-on.
