Owa pa nakikita it Department of Trade and Industry (DTI) ro pagpatuman it price freeze sa mga nagapangunang baeak-eon sa pihak it sunod-sunod nga oil price hike tuga it Ukraine-Russia crisis.
Raya hay kasunod it paandam it mga analyst angot sa epekto it krisis sa mga nagapangunang produkto.
Suno kay Trade Assistant Secretary Ann Cabochan, may mga mekanismo sa Price Act para kara, kaibahan eon ro pagdeklara it state of emergency.
Ginpaathag ni Cabochan, ro presyo eamang it mga basic commodity ro ginalimitahan sa tiempo it price freeze ag bukon it apektado ro kantidad it prime commodities.
Kaibahan sa mga prime goods hay ro harina, canned goods, plywood, mga bueong nga owa ginakabig nga essential it health department, fertilizers, sibuyas, bawang ag iba pa.
