Naglunsar ro Department of Trade and Industry it bag-ong consumer protection hotline agud tutukan ro reklamo it mga bumaeakae.
Sa budget briefing it DTI para sa proposed P8.6 billion pesos nga budget kara sa masunod nga dag-on, ginpahayag ni Trade Acting Secretary Cristina Roque nga pwede eon makipag-angot it direkta sa anang taeatapan ro mga consumer para sa anumang reklamo.
Pwedeng magreklamo sa pamaagi it reporttosec@dti.gov.ph. Gin-insister ni Roque nga kapin pa sandang magiging agresibo sa price monitoring kamana man sa fair trade ag pagtaeana it product standards nga siguradong mataas ro kalidad it mga produkto.
Ginkumpirma man it opisyal nga umpisa sa masunod nga buean hay magalibot ro DTI sa mga merkado sa mga rehiyon ag probinsya. Tuyo sigon kara nga pabaskugon ro price monitoring ag compliance kamana man usisaon kon paano ginapatuman ro mga programa.
Samtang, gindugang pa ni Roque nga makaangkon it “intensified approach” ro ahensya para makaengganyo it foreign investments. Ro 8.6 billion pesos nga proposisyong budget it DTI sa 2025 hay mas manaba it 9.7 percent kumpara sa 8.89 billion pesos makaron nga dag-on.
