KALIBO, Aklan—Gin-aprubahan eon ni Pangueong Rodrigo Duterte ro proposisyon nga dugangan ro calamity response fund it Local Government Units (LGUs) nga eubos nga naapektuhan it mga nag-agi nga bagyo.
Ginpahayag ni Sen. Bong Go, aprubado eon it presidente ro nauna karang hinyu nga taw-an it dugang nga local Disaster Risk Reduction and Management Fund ro mga apektadong LGUs nga katumbas it sang porsyento sa andang Internal Revenue Allotments.
Suno kay Sen. Go, magagamit it nasambit nga mga LGUs ro dugang pondo para sa pagsabat sa kahalitan nga gin-aywan it kalamidad matapos nga naubos eon ro calamity fund sa COVID-19 pandemic.
Kaibaha sa mga grabeng naapektuhan it mga bagyo hay ro Ilocos Region, Cagayan Valley, Central Luzon, Calabarzon, Mimaropa, Bicol Region, Metro Manila ag Cordillera Administrative Region (CAR).
