Kalibo Aklan ————–Nadugangan pa it daywang ka mga eskuwelahan sa probinsya it Aklan ro gintaw-an it permiso it Department of Education (DepEd) agud nga magpatigayon it limited face-to-face classes.
Suno kay Dr. Miguel ‘Mac’ Apusin, schools division superintendent it DepEd-Aklan nga sa kapin sa 177 ka mga eskuwelahan sa bilog nga nasyon nga ginapasugtan nga magpatigayon it face-to-face classes hay 17 kara ro maghalin sa Region 6 ag daywa ro maghalin sa probinsya it Aklan ag raya hay ro Banga Elementary School ag Malinao Schools for Philippine Craftsmen.
Ginapahayag dugang nga maga-umpisa eun sa adlaw it Lunes ro implementasyon kara .
Apang ginklaro man ni Dr. Apusin nga limitado eamang ro mga estudyante ag Grade level nga pagapasugtan nga makasueod sa klase partikular eun ro Kindergarten hasta Grade 3 pupils para sa Banga Elementary School samtang Grade 11 ag 12 man sa Malinao Schools for Philippine Craftsmen.
Agud nga makapartisipar hay kinahangean eamang nga magpakita it parent consent bilang pamatuod nga nagapasugot ro ginikanan it unga nga magpartisipar raya sa pisikal nga klase.
Madumduman nga nauna eun nga ginpasugtan ro Laserna Integrated School sa banwa it Nabas nga magpatigayon it face-to-face classes.
