Ginhinyu ni Committee on Basic Education Chairman Bam Aquino nga magtaeana it dugang nga manpower sa mga eskwelahan nga maga-monitor sa mga naka-install nga CCTVs.
Raya hay matapos nga masayuran sa joint hearing it Basic Education ag Higher, Technical and Vocational Education Committee nga waeo eang ro CCTV sa sueod it San Jose National High School sa Tacloban City kat matabu ro mass school shooting nga ginkamatay it tatlong estudyante.
Sa makaron hay nagbutang it dugang nga CCTVs ag walk-through metal detectors sa nasambit nga eskwelahan para sa pag-resume it klase matapos ro natabu nga insidente.
Apang suno kay Aquino, mag-eowas sa pagbutang it mga dugang nga CCTVs sa mga eskwelahan hay dapat may kaeakip raya nga manpower kapareho it security officer nga magabantay ag magatan-aw sa mga nagakatabu.
Punto ni Aquino, kun may una eamang nga manugturo ukon security personnel nga nakabantay sa CCTV sa San Jose National High School hay pwede kunta nga naagtunan eagi ro shooter ag napugngan ro ginhimo nga pagpamaril.
Sa pihak kara, ginpahayag ni Education Undersecretary Malcolm Garma owa it security officers ro mga eskwelahan kundi security guards eamang nga kaeabanan nga gina-outsource pa.
Ginpahayag pa ni Garma nga tatlo sa napueong eskwelahan eang ro may security guards ukon 31.7% nga katumbas it 15,328 security guards.
