Gin-aprubahan eon it National Capital Region Wage Board ro dugang nga P35 pesos sa adlawan nga sweldo it minimum wage earners sa pribadong sektor sa Metro Manila.
Base bag-ong Wage Order No. NCR-25, epektibo sa hulyo 17 ro minimum wage rates para sa non-agriculture sektor hay magiging P645 eon halin sa presenteng P610.
Samtang sa agriculture sector, service ag retail establishments nga may unang 15 empleyado ukon mas manaba pa ag manufacturing establishments nga may una eamang mas manaba sa 10 nga empleyado hay magataas sa P608 pesos halin sa presenteng P573.
Suno sa wage board, ro bag-ong minimum wage rates hay para sa normal working hours nga indi mag-eampas sa 8 oras kada adlaw.
Ulihing nagtaas it sweldo sa National Capital Region hay ko Hulyo 16, 2023 kon sa siin P40 ro naging pagsaka.
