Natigayon nga mapasara it Department of the Interior and Local Government (DILG) ro dugang pang pitong iligal nga website it e-sabong ukon online cockfighting.
Ginpahayag ni DILG spokesperson Undersecretary Jonathan Malaya, nga may kooperasyon eon sa tunga it Department of Information and Communication Technology (DICT) ag andang taeatapan para sa pag-shutdown it nasambit nga mga websites.
Nagapatigayon eon man it imbestigasyon ro PNP Anti-Cybercrime Group para matumod ro mga administrators uko nagapadaeagan it mga iligal nga e-sabong website.
Sa kamatuoran, kapin sa 12 websites ag waeo nga social media platforms ro namonitor it PNP nga padayon sa gihapon ro operasyon it mga aktibidad may kaangtanan sa e-sabong sa pihak it mandu it Pangueong Duterte nga pagpasara sa tanan nga e-sabong.
Dugang pa ni Malaya, nag-request eon man sanday Meta, ro parent company it Facebook ga inisigidas nga paea-on ukon suspendihon ro nasambit nga page sa andang platform nga nagapatigayon it mga aktibidad it e-sabong.
Suno pa kay Malaya, paga-hinyuon man it DILG ro bulig it kompaniya nga Globe para mapunggan nga magamit sanda para sa illegal purposes bangud sa ro mga nagataya ag operators gay nagagamit it GCash ag sa kaparehong platform bilang mode of payment.
