BUSINESS News– Nagpatuman it mabahoe nga dugang nga presyo sa produktong petrolyo ro mga kompanya it langis sa nasyon partikular eon sa produktong gasoline makaron nga adlaw it Martes.
Sa abiso it mga kompanya it langis sa nasyon nga ginpangunahan it Pilipinas Shell, Petron Corporation, Seaoil, PTT Philippines, Total Philippines, Unioil, Petro Gazz ag Phoenix Petroleum, nagpatuman sanda it dugang nga presyo nga P1.35 sa kada litro it andang gasolina, 45 sentimos sa kada litro it diesel ag 35 sentimos sa kada litro it kerosene epektibo alas-6 makaron nga agahon.
May oil price hike man sa mga nasambit nga produktong petrolyo sa kaparehong kantidad ro kompanyang Caltex nga naging epektibo alas-12:01 kaina it aga-aga samtang ro CleanFuel man hay magiging epektibo alas-4:01 hinduna nga hapon.
Ro ginpatuman nga dugang nga presyo sa mga produktong petrolyo hay tuga it padayun nga paghueag it presyo kara sa world market.
Madumduman nga ko nagtaliwan nga Martes nga adlaw hay nagpatuman man it oil price hike ro mga kompanya it langis sa nasyon nga P1.90 sa kada litro it gasolina, P2.10 sa kada litro it diesel ag P1.80 sa kada litro it andang kerosene.
