Sa pihak nga owa nagapromisa , apang ginpahayag ni vice president ag department of education ukon DepEd secretary Sara Duterte-Carpio nga igapaabot nana kay pangueong Ferdinand Bong-Bong Marcos Jr. ro panawagan nga pataasan ro sweldo it mga manugturo ag non-teaching staff it ahensiya.
Ginaduso sigon nana ro office of the president ro pwedeng maidugang nga benepisyo para kanda.
Samtang, umani man it palakpakan sa mga manugturo ro pagtinguha it DepEd nga mapanaba ro rate it contribution nanda sa government service insurance system ukon GSIS.
Mag-eowas kara, ginaduso man nanda sa department of health nga malibre ro check-up it mga teachers.
Prayoridad man sigon it taeatapan ro pag-ayos sa learning gaps it mga estudyante kamana man ro pagtukod it dugang nga mga classroom ag schools infrastructure.
