Sigidas eon ro gobyerno sa pagpatuman it mga tikang agud nga mapanaba ro presyo it mga nagapangunang baeak-eon eabi eon ro pagkaon, produktong petrolyo ag sukot sa kuryente.
Ginpasiguro raya ni Pangueong Bongbong Marcos Jr. sa anang pag-atubang sa mga mamamahayag matapos magbisita sa International rice research institute, sa Los Baños, Laguna.
Suno sa presidente, ro pagpanaba sa presyo it pagkaon ro anang magaserbi nga pamaskwa sa mga pumueoyo.
Samtang, aminado ro Punong Ehekutibo nga sambilog sa anang ginakabaeak-an ro Temporary Restraining Order it Court of Appeals sa Power Supply Agreement it San Miguel Corporation ag Meralco.
Nagahimo eon sigon sanda it pamaagi agud nga mabawasan ro epekto it mahae nga krudo eabi eon sa supply it kuryente ag kung magataas man it sukot hay indi dapat pag-gulpihon ro mga konsumidor.
