Ginpahayag it IBON Foundation nga kinahangean ga kabaeak-an ro dumoble nga utang it Pilipinas sa idaeom it administrasyong Duterte.
Raya hay sa pihak it pagklaro ir Department of Budget and Management (DBM) nga indi dapat pagkabaeak-an ro paglobo it utang it nasyon kapin pa ag may klaro man nga rason.
Apang, suno kay IBON’s executive director Sonny Africa nga nakakaalarma ro plano it administrasyon nga magpatuman it bag-ong sueodanan sa pagbayad it buwis para mabayaran ro padayon nga naga-einagko nga utang.
Nauna eon nga ginpahayag ni outgoing Bangko Sentral ng Pilipinas Governor ag incoming Finance Secretary Benjamin Diokno nga ro masunod nga administrasyon hay magamana it “much better economy” apang may pagtaas it utang ag sa GDP ratio bangud sa pandemya it COVID-19.
Sa pihak nga parte, siguraduhon dapat it masunod nga administrasyon ro mapag-on nga pagbangon it ekonomiya para mapatigayon nga mabuhinan ukon mabayaran ro nasambit nga utang.
