Posibleng natural nga natabo ro mga nadiskubreng tambak nga durog nga mga corals maeapit sa Sabina shoal ukon kilaea man sa tawag nga Escoda shoal sa West Philippine Sea.
Raya ro ginpahayag ni Dr. Jonathan Anticamara, marine scientist halin sa University of the Philippines Institute of Biology nga nag-adto sa lugar para magpatigayon it marine scientific survey.
Suno kana, bukon it 100% nga sigurado kon may una gidman nga pagpilak it mga corals ukon reclamation sa lugar bangud nga uwa nakita ro China nga nagapilak sa lugar maskin naobserbahan sigon sa mga nakataliwan nga dag-on ro nagainabo nga tambak nga durog nga corals.
Paathag pa it marine scientist nga sa eapad it nasamad ukon patay nga corals sa nasambit nga shoal hay posibleng raya hay bangud sa mga bagyo nga tumama sa lugar.
Sa pihak kara, uman nga gin-insister it marine scientist nga ro mga coral sa Escoda shoal hay haeos 100% eon nga patay sa tunga it naobserbahang eapad it coral bleaching.
