Naghinyo ro defense team ni dating Pangueong Rodrigo Duterte sa International Criminal Court (ICC) nga ieakip ro 78 pang item sa andang listahan it ebidensya para sa confirmation of charges hearing sa Pebrero 23, 2026.
Suno sa lead counsel nga si Atty. Nicholas Kaufman, ro mga dugang ebidensya hay “highly relevant” ag importante para sa nagahilapit nga hearing kay Duterte.
Suno kana, uwa man nagapamaeabag ro Prosecution sa pagdugang it mga item, rason nga inde raya magtuga it bukon it patas nga epekto sa kaso.
Nakabaehag sigon sa ICC rules nga parehong may kinamatarong ro depensa ag prosekusyon nga mag-usisa it dokumento ukon ebidensiya antes pa man ro hearing.
Ginsambit man it defense nga uwa pa nanda nahimuan it full review ro latest disclosure it prosekusyon ko gabie it Pebrero 5 nga may sueod nga 12 items nga ginmarkahan bilang “potentially exonerating or relevant to the preparation of the Defence.”
