Gusto ni Pangueong Rodrigo Duterte nga pangunahan it anang onga ag Vice President-elect Sara Duterte-Carpio ro pakigsukoe sa iligal nga droga sa nasyon partikular eon ro pagpadayon it anti-illegal drug programs sa mga eskwelahan pilang adlaw antes matapos ro an-um nga dag-on karang termino.
Madumduman nga ginbaton ni VP-elect Sara ro imbistasyon nga pangunahan ro Department of Education (DepEd) sa idaeom it magasueod nga adminsitrasyon.
Samtang, nag-apela man si Duterte sa mga kapulisan ag militar nga padayunon ro momentum sa pakigsukoe it gobyerno sa illegal drugs ag nagpromisa it full accountability nga anang pagaprotektahan ro mga law enforcers nga magapangatubang sa mga kaso sa pagpatay sa mga drug suspects samtang ginapatigayon ro andang obligasyon
