Kalibo Aklan ————-Indi dapat nga magpamaeag si Pangueong Rodrigo Duterte sa mga opisyal it Commission on Audit (COA) sa angot sa nakit-an karang “deficiencies” sa P67.3 bilyong pondo nga nakataeana para sa COVID-19 response it Department of Health (DOH).
Suno kay Aklan First District Atty. Harry Sucgang nga dapat hay maisumite it DOH ro dokumento nga ginapangayo it COA agud nga malimpyuhan ro andang taeatapan.
Ro ginahimo man sigon it COA hay kinahangean para sa check and balance sa sueod it gobyerno.
Samtang, bukon man sigon it tama nga i-abswelto eagi ni Duterte ro DOH samtang owa pa natapos ro proseso.
Madumduman nga ginkaakig ni Maristela Abenojar, Presidente it Filipino Nurses United, ro nagguwa nga “unutilized” ag “misutilized” nga pondo maghalin sa DOH.
Nag-umpisa ro tanan kat ginbatikos ro plano it DOH nga magbake it ap-at nga “high-end 2-in-1 laptops” nga nagakahaeaga it P700,000.
