Kadungan it pagselebrar it “Labor Day” makaron nga adlaw Mayo 1, ginpatigayun man ro culminating activity it “Duterte Legacy: Barangayanihan Caravan.”
Ginpangunahan raya it Department of the Interior and Local Government (DILG) ag Philippine National Police (PNP), kaibahan ro National Task Force to End Local Communist Armed Conflict (NTF-ELCAC).
Ro nasambit nga aktibidad hay ginpatigayun sa People Power Monument sa Quezon City ag may temang, “Pagbuylog it pumueoyo ag gobyerno paadto sa pagbangon, katawhayan ag kaumwaran.”
Gintambungan raya nanday Defense Secretary Delfin Lorenzana, DILG Spokesperson USec Jonathan Malaya, USec. Joel Egco, PNP Chief Gen. Dionardo Carlos ag iba pang mga opisyal it gobyerno ag nagkaeain-eain nga mga stakeholders.
Tuyo it Duterte Legacy Caravan nga ipaabot sa publiko ro may kaangtanan sa nagkaeain-eain nga proyekto it gobyerno sa idaeom it Duterte government partikular ro mga gintuga nga mga pagbag-o sa mga programa it gobyerno ag pagtao it mga basic services sa mga pumueoyo.
