KALIBO, Aklan—Mabahoe ro pagpati it grupong Bayan Panay nga mabuhay eon nga handom ni Pangueong Rodrigo Duterte nga magpabilin sa pwesto.
Raya hay kasunod it mga pahayag it pangueo sa anang talk to the people makaron nga adlaw it Martes Agosto 31 angot sa pagpatawag it imbestigasyon it senado sa anang mga gabinete.
Suno kay Mr. Bryan Bosque, Regional Chair it Bayan Panay nga bangud sa mga ginapakita nga aksyon it pangueo ginapamatud-an eamang kara nga bukon imaw it angay ag bagay nga lider it nasyon.
Suno kana, magka-lebel eamang ro tatlong sanga it gobyerno nga ginakaeakipan it Executive, Legislative ag Judiciary apang nagaguwa nga matsa diktador si Duterte.
Nagapati man si Bosque nga may nakitang anomalya ro Senado rason para gisahon ro gabinete it administrasyon.
