Uman nga nagpanindugan si Pangueong Rodrigo Duterte nga sa korte eamang it Pilipinas imaw maga-atubang para sa gina-alegar nga crime against humanity nga anang ginhimo sa drug war it anang administrasyon.
Sa anang naging diskurso sa inagurasyon it bag-ong Leyte Provincial Capitol sa Palo, Leyte hay gin-insister it pangueo nga kung igakumpara imaw sa anang amigo nga si Russian President Putin nga nagapatay it mga sibilyan sa tunga it naging pagsalakay it Russia sa Ukraine, hay ro mga kriminal eamang sigon ro anang ginpatay sa anang anti-drugs campaign.
Uman nga gintaw-an it punto ni Pangueong Duterte nga imaw hay Pilipino rason nga nagakadapat eamang nga sa sueod it hurisdiksyon it Pilipinas imaw imbestigahan kung paga-akusahan imaw sa sangka butang.
