Eubos nga ginpamalibaran ni dating pangueong Rodrigo Duterte nga may reward system nga ginpatuman ro anang administrasyon kontra sa ilegal nga droga.
Sa pahayag ni Duterte, hinambae nana nga ro isaeahanon nga reward hay pagakon ag pagdayaw ro ginatao nana sa mga pulis nga madinaeag-on nga natapos ro anang misyon.
Pamilit it dating pangueo, uwa man nana ginsugo ro mga kapulisan nga magpatay it sinuman.
Matandaan nga ginbunyag sa pagpamati it House Quad Committee it maeapit kay Duterte nga si dating retired police Col. Royina Garma nga may una nga cash reward nga ginabayad sa kada pagpatay sa war on drugs it administrasyong Duterte nga halin sa P20,000 hasta P1 milyon.
Base sa rekord it pulisya, naga-abot sa 6,000 ro drug personalities sa war on drugs it nagtaliwan nga administrasyon.
