KALIBO, Aklan — Magata-o it libreng sakay ro Department of Transportation (DOTr) pamaagi it electric jeepneys ukon e-jeepneys sa Isla it Boracay.
Raya ro ginpromisa ni Transport Secretary Arthur Tugade kon siin may ap-at nga mga e-jeepneys ro maga-operate sa uman nga pagbukas it Isla sa Oktubre 26.
Suno kay Tugade, raya hay libre hasta sa buean it Disyembre.
Nasayuran nga ro e-jeepneys hay kaparte it rehabilitation efforts sa Boracay agud ma-transform ro Isla sa environmentally-sustainable tourism spot matapos ro six months closure nga nag-umpisa ko Abril 26.
Naga-eaum man si Tugade nga 50 e-jeepneys eon ro operational pag-abot sa buean it Disyembre kon siin kadungan sa ginaeauman it gobyerno nga matapos ro construction it main road network sa Boracay.
