Sangka 22-anyos nga eaeaki sa Wisconsin, U.S.A, nga naka-experiensiya it grabeng pag-ubo ag pagkahapo ro nakibot kat masayuran nga bumara sa anang baga (lungs) ro anang suksok nga silver-plated nga “grillz”!
Sangka case study nga gin publish it Cureus Medical Journal ro istorya it sangka owa ginpangaeanan nga eaeaki nga matapos atakehon it epileptic seizure hay naka experiensiya it kabudlay sa pagginhawa, owa it pundo sa pag-ubo, ag pagkahapo.
Kat magpatan-aw sa ospital ro eaeaki, may nakita sa X-ray scans ro mga doktor nga may nakabara sa anang right main stem bronchus ukon ro aeagyan it hangin sa baga.
Ro foreign object nga nakabara hay may habang 4 centimeters ag korte it sangka pustiso.
Insigidang na-identify it eaeaki ro nakabara sa anang baga ag raya hay ro anang silver plated grillz.
Ro grillz hay sangka klase it dental accessory nga himo sa silver ukon gold.
Ginasuksok raya bilang alahas ukon palamuti sa ngipon.
Ro pagsuksok it grillz hay ginpa-uso it mga hip-hop ag rap artist sa U.S. umpisa ko dekada otsenta.
Suno sa eaeaki nga suksok nana ro grillz kat gulpi imaw nga magka-epilepsy.
Pagkatapos kara hay indi eon nana mausoy ro grillz.
Agud nga mapaeos ro grillz sa baga it eaeaki, nagpaidaeum imaw sa bronchoscopy.
Gamit ro bronchoscope, ginsueod raya sa airway agud nga ma-dislodge ro grillz.
Eowas nga nabo-oe ro grillz sa baga ag madasig nga na-discharge ro eaeaki sa ospital.
