KALIBO, Aklan—Arestado ro sangka 45-anyos nga eaeaki bangud sa illegal nga pagbaligya it petroleum products sa Purok 7, Brgy. Baybay, Tangalan.
Ginkilaea ro suspek nga si Robert Ponyo ag residente it nasambit nga lugar.
Narekober sa anang posisyon ag kontrol ro sangka plastic container nga may sueod nga gasolina nga napueong litro; krudo nga daywang litro ag de botelya nga siyam nga litro nga gasolina kamana man mga empty bottle it softdrinks.
Base sa report, may nagtimbre sigon sa pulisya nga may nagabaligya it petroleum products sa nasambit nga lugar rason nga insigida nanda raya nga gin-adtunan rason nga nadakpan ro nasambit nga suspek.
Si Ponyo hay magapangatubang sa kasong pag-eabag sa Presidential Decree 1865 ukon Illegal Selling of Petroleum Products.
