-- ADVERTISEMENT --
KALIBO, Aklan—Arestado ro sangka eaeaki matapos nga kasuhan bangud sa illegal nga pagbueang sa Brgy. Poblacion, Libacao.
Ro akusado hay ginkilaea kay Ariel Idala, 37-anyos, residente it Brgy. Oyang sa nasambit nga banwa.
Si Idala hay naaresto pinaagi sa gahum it warrant of arrest nga may Criminal Case No. 3530-L nga ginpagguwa ni Presiding Judge Lollie Ureta-Villanueva, Municipal Circuit Trial Court, 6th Judicial Region Banga-Libacao-Madalag nga may petsang Abril 23, 2021.
Kapin sa P30,000 man ro pyansa nga gintaeana it korte para sa temporaryong kahilwayan it akusado.
Si Idala hay presenteng nakakulong sa Libacao Police Station para sa nagakaigo nga disposisyon.
-- ADVERTISEMENT --
