-- ADVERTISEMENT --
KALIBO, Aklan—Gin-aprehend it mga konsehal it Brgy. Poblacion, Kalibo ro sangka indibidwal matapos nga nag-eabag sa ginaptuman nga curfew ordinance bandang alas-9:05 kabie.
Ginkilaea ro nagpaeagas nga motorista nga si Martin Al Mario kon sa siin kat ginparahan raya it mga opisyal hay insigidang nagpaeagas bangud nga uwa it maipakita nga mga dokumento sa anang ginamaneho nga motorsiklo rason nga gintinguhaan it mga otoridad nga maeagas hasta nga naabutan raya ag temporaryong gindetain sa Kalibo Police Station para sa nagakaigong disposisyon.
Samtang, si Kagawad Kim Melgarejo nga nagsita sa motorista hay nakaangkon it gasgas sa kaeawasan matapos nga natumba tuga it pagpaharurot it driver ko ana nga motorsiklo.
