KALIBO, Aklan – Arestado it mga operatiba ro sangka 35 anyos nga eaeaki matapos ro ginpatigayon nga buy-bust operation sa Brgy. Bacan, Banga, Aklan.
Nakilaea ro suspek nga si Louis Bryan Jaranilla Salem ag residente it Brgy. Taba-ao sa nasambit nga banwa.
Nabo-oe sa anang posesyon ag kontrol ro limang plastic sachet it ginadudahan nga shabu ag P10,000 nga buy-bust ag boodle money.
Sa pag-rekisa kana, nabo-oe ro dugang nga kwarta nga nagabalor it masobra sa P2,700.
Base sa pamilya it biktima nga bukon it drug surrenderee ro suspek ag nag-uli man lang sa Aklan agud nga magpamayad sa sakit nga anang gina-angkon.
Si Salem hay ginpaidaeum sa drug test sa Iloilo samtang ro mga narekober kana nga epektos hay ginsalang salaboratory test.
Magapangatubang imaw sa kasong pag-eabag sa Comprehensive Dangerous Drugs Act.
