Arestado sa ginhiwat nga drug buybust operation ro sangka eaeaki sa bahin it Mabulay Road, Brgy. Estancia, Kalibo, kahapon sa tingob nga pwersa it Provincial Drug Enforcement Unit ag Kalibo Municipal Police Station.
Ginkilaea raya nga si Jay Mark Francisco alyas “Palaboy”, 32 – anyos ag residente it Rizal Street, Brgy. Poblacion, Kalibo.
Pahayag ni PMaj. Frenzy Andrade it PDEU-Aklan nga 1 gram eamang sigon ro andang gintransaksyon kay Palaboy apang may daea raya nga haeos 50 grams.
Habak-ean imaw it 1 gram it gina-alegar nga shabu kabaylo it buybust money nga P7,000.
Ginamonitor sigon nanda si Palaboy sa sueod it sang buean ag nasayuran nga ro anang supply hay direkta nga nagahalin sa Manila.
Parokyano it nasambit nga eaeaki ro mga taga-Kalibo, Numancia ag New Washington.
Dugang ni PMaj. Andrade nga mahimo mahueog sa high value target si Palaboy bangud sa gramo nga anang daea nga ginapatihan nga nagabalor it P346,800.
