KALIBO, Aklan — Nagapamayad eon sa Aklan Provincial Hospital ro sangka 63-anyos nga eaeaki matapos nga ginbaril it gina-alegar nga nagahana kunta nga magpanakaw it anang alagang baboy sa sueod it tangkae sa Libertad, Antique.
Nakilaea ro biktima nga si Rodico Estocado ag residente it nasambit nga lugar.
Suno kay Melanie, unga it biktima nga nataeupangdan nanda nga naga-iniwik ro andang alagang baboy sa sueod it tangkae sa ubos it andang baeay rason nga andang gin-agtunan ag ginpahayagan it flashlight.
Dikara nanda nataeupangdan nga ro baboy hay nagakinaon it kinuskos nga niyog nga ginapatihan nga may hilo.
Nakabati sigon ro anang ama it kaeas sa magamo nga parte ag kat anang agtunan hay insigida raya nga ginpaeukpan it ginapatihan nga de-20 nga pugakhang bangud sa anang maabu nga tama sa tiyan.
Ro insidente hay padayun nga gina-imbestigahan it Libertad Police Station.
