Gin-uean it inumok ro sangka eaeaki matapos nga rumesbak ro babaye nga anang gin-chansingan sa Brazil.
Base sa report, samtang nagapungko ag nakatalikod ro babaye nga nakatutok sa anang cellphone, gulpi imaw nga ginpaeapitan it eaeaki ag ginhulikap ro anang kilid.
Matsa owa it natabu nga nagpaeagiw ro suspek apang nagbaeos ro babayeng biktima nga sangka gas attendant.
Antes nga makaguwa it pwertahan ro eaeaki, ginsundan imaw it babaye ag ginpaueanan it bayo hasta nga napa-euhod imaw sa saeog.
Sangka babaye ro nag-awat sa biktima.
Makadali nga nagbueag ro daywa apang uman nga inatake it biktima ro eaeaki hasta nga makaguwa it establisimento.
Suno sa pulisya, ginpangayo it eaeaki ro cellphone it babaye apang kat owa ginsapak it biktima hay gin-chansingan raya it suspek.
Posibleng magapangatubang sa reklamong sexual harassment ro eaeaki.
